VIDEO: სრული დეკლასირება სანტიაგო ბერნაბეუზე! ბარსელონამ რეალი მისსავე კედლებში გაანადგურა

ლა ლიგის 29-ე ტურში „ბარსელონამ“ მადრიდის „რეალი“ გაანადგურა.

შეხვედრა „სანტიაგო ბერნაბეუზე“ გაიმართა და სტუმართა გამარჯვებით 4:0 დასრულდა.

მატჩში დუბლი პიერ-ემერიკ ობამეიანგმა მიითვალა, თითო-თითო გოლი კი ფერან ტორესმა და რონალდ არაუხომ შეაგდეს.

რომ არა ტიბო კურტუა, აღნიშნულ შეხვედრას „რეალი" გაცილებით დიდი ანგარიშით წააგებდა. 

ამ გამარჯვებით „ბარსელონამ“ „რეალთან“ 5-მატჩიანი წაგებათა სერია შეწყვიტა და „სანტიაგო ბერნაბეუზე“ მორიგი ხმაურიანი გამარჯვება მოიპოვა.

28 ჩატარებული მატჩის შემდეგ „ბარსელონა“ 54 ქულით მე-3 ადგილს ინარჩუნებს, „რეალი“ კი 29 მატჩში მოპოვებული 66 ქულით პირველ ადგილზე რჩება.