"ჩვენ დავბრუნდით!", - პიკე სანტიაგო ბერნაბეუზე რეალის განადგურებას გამოეხმაურა

"ბარსელონას" მცველმა, ხერარდ პიკემ "სანტიაგო ბერნაბეუზე" "რეალის" განადგურების შემდეგ მოკლე კომენტარი გააკეთა.

მოგეხსენებათ, ლა ლიგის 29-ე ტურის ეგიდით, მადრიდელებთან გამართული მატჩი კატალონიელებმა 4:0 მოიგეს.

"ჩვენ დავბრუნდით!", - წერს "ლურჯ-ბროწეულისფერთა" 35 წლის უკანახაზელი სოციალურ ქსელში.

აღსანიშნავია, რომ "ბარსამ" "ელ კლასიკოებში" 5-მატჩიანი წაგებათა სერია შეწყვიტა და როგორც იქნა, წარმატებას მიაღწია.

სატურნირო ცხრილში "რეალი" კვლავ ერთპიროვნული ლიდერია, მადრიდელთა აქტივში 29 მატჩში მოპოვებული 66 ქულაა, ხოლო "ბარსელონა" 28 მატჩში აღებული 54 ქულით მე-3 ადგილს იკავებს.

ნაჩო: "სატურნირო ცხრილში დიდი უპირატესობის გამო, მატჩზე მოდუნებულები გამოვედით"