VIDEO: ბარსელონამ პრინციპულ მატჩში სევილიას მინიმალურად მოუგო და მეორე ადგილზე გადაინაცვლა

ლა ლიგის 30-ე ტურში „ბარსელონამ“ რთულ ბრძოლაში „სევილიას“ მოუგო.

შეხვედრა „კამპ ნოუზე“ გაიმართა და მასპინძელთა გამარჯვებით 1:0 დასრულდა.

ერთადერთი გოლი 72-ე წუთზე პედრიმ ბრწყინვალე სტილში გაიტანა და ხავის გუნდის წარმატებული სერია კიდევ უფრო გააგრძელა.

„ბარსამ“ 57 ქულა დააგროვა და სატურნირო ცხრილში მე-2 ადგილზე გადაინაცვლა, „სევილია“ კი მეოთხეზე ჩაქვეითდა მას შემდეგ, რაც ზედიზედ მე-4 მატჩში ვერ მოახერხა გამარჯვების მოპოვება.

ლიდერი მადრიდის „რეალია“, რომელსაც „ბარსაზე“ 12 ქულით და ერთი მატჩით მეტი აქვს ანგარიშზე.