"ტოპ მწვრთნელია, მანჩესტერში დროს მივცემდი", - რუნიმ პოჩეტინოსა და ტენ ჰაგს შორის არჩევანი გააკეთა
"მანჩესტერ იუნაიტედის" ლეგენდარულმა ფეხბურთელმა, უეინ რუნიმ კლუბის ხელმძღვანელობას მოუწოდა, რომ გუნდის ახალ მთავარ მწვრთნელს დრო მისცეს.
– როგორც ამბობენ, ეს შეიძლება პოჩეტინო, ტენ ჰაგი ან რომელიმე სხვა იყოს. როგორ ფიქრობ, რომელი უფროა "ემიუს" შესაფერისი?
"ჩემი აზრით, პოჩეტინომ პრემიერ ლიგაში სახელი გაითქვა, ინგლისის ჩემპიონატს იცნობს. "ტოტენჰემსა" და "საუთჰემპტონში" ბევრი ახალგაზრდა ფეხბურთელი მიიყვანა".
"თუ ამ ორს შორის მომიწევს არჩევანის გაკეთება, პოჩეტინოს ავირჩევდი და დროს მივცემდი. ახლა მწვრთნელს დრო სჭირდება, რათა კლუბში თავისი კვალი დატოვოს. თუ ეს მოხდება, მაშინ გაუმკლავდება".
"ვფიქრობ, ტოპ მწვრთნელია, რომელმაც იცის, როგორ უნდა იმუშაოს ტოპ ფეხბურთელებთან და ახალგაზრდა მოთამაშეებთან. კლუბმა ყველაფერი ზედმიწევნით უნდა გააკეთოს, სიტუაციის ხელახლა გაფუჭების უფლება აღარ აქვს", - ციტირებს "დერბის" მთავარი მწვრთნელის სიტყვებს Sky Sports-ი.
