"უკეთესად თამაში შეგვიძლია", - ბაიერნის კარში გატანილი გამარჯვების მომტანი გოლის ავტორი

"ვილიარეალის" გარემარბმა, არნო დანიუმამ ჩემპიონთა ლიგის პირველ 1/4 ფინალურ მატჩში "ბაიერნის" (1:0) დამარცხების შემდეგ განცხადება გააკეთა.

მოგეხსენებათ, აღნიშნულ დაპირისპირებაში ერთადერთი გოლი სწორედ 25 წლის ჰოლანდიელმა ფეხბურთელმა გაიტანა.

"ჩემპიონთა ლიგის საღამოებს არაფერი შეედრება. დღევანდელზე უკეთესად თამაში შეგვიძლია. თუ "ბაიერნს" ამარცხებ და გრძნობ, რომ შეგიძლია უფრო კარგად იასპარეზო, მაშინ ეს ძალიან კარგი ნიშანია".

"ემერი ძალიან ჭკვიანი სტრატეგია. ჩვენში ეჭვი არ ეპარება, ჩვენ კი მასში დარწმუნებულები ვართ. ერთიანი მექანიზმივით ვართ", - ციტირებს დანიუმას სიტყვებს უეფას ოფიციალური საიტი.

ცნობისთვის, "ბაიერნსა" და "ვილიარეალს" შორის საპასუხო დაპირისპირება 12 აპრილს, მიუნხენში გაიმართება.

ემერი: "მინდა, რომ ბაიერნი საპასუხო მატჩშიც დავამარცხოთ, ვილიარეალი გაჩერებას არ აპირებს"