VIDEO: საოცარი მატჩი, დრამა, დამატებითი დრო და ისევ ბენზემა! რეალი ნახევარფინალშია

ჩემპიონთა ლიგის საპასუხო მეოთხედფინალში მადრიდის „რეალი“ დამატებით დროში „ჩელსისთან“ 2:3 დამარცხდა, თუმცა შემდეგ ეტაპზე გავიდა.

შეხვედრა „სანტიაგო ბერნაბეუზე“ გაიმართა და ძალიან დრამატულად განვითარდა - 75-ე წუთისთვის მეისონ მაუნტის, რუდიგერის და ვერნერის გოლებით „ჩელსი“ 3:0-ს იგებდა და იმ მომენტისთვის შემდეგ ეტაპზეც იყო.

თუმცა, მე-80 წუთზე ლუკა მოდრიჩის პასით ორმატჩიან დაპირისპირებაში ანგარიში როდრიგომ გაათანაბრა, დამატებით დროში კი ვინისიუსი - ბენზემას დუეტმა კვლავ გაიბრწყინა და ფრანგმა შემდეგ ეტაპზე გამსვლელი გოლი გაიტანა.

ამრიგად, „რეალმა“ ორი მატჩის ჯამში 5:4 მოიგო და შემდეგ ეტაპზე გავიდა, სადაც ან „სიტის“ შეხვდება, ან „ატლეტიკოს“.