ავტორიზაცია
მოდრიჩი: "ვიცოდით, რომ გაგვიჭირდებოდა, ჩემთვის ჩელსი ყველაზე რთული მეტოქეა"
მადრიდის "რეალის" ნახევარმცველი, ლუკა მოდრიჩი ჩემპიონთა ლიგის ნახევარფინალში გასვლას გამოეხმაურა.
მოგეხსენებათ, "სამეფო კლუბმა" 1/4 ფინალურ ეტაპზე ორი მატჩის ჯამში "ჩელსი" დაამარცხა (3:1, 2:3 დ.დ).
"ამის სიტყვებით აღწერა რთულია. ტურნირს მიღმა ვიყავით, სანამ ანგარიშს გავათანაბრებდით. ვერ ვიტყვი, რომ ცუდი მატჩი ჩავატარეთ, მაგრამ "ჩელსიმ" თავისი შანსებით კარგად ისარგებლა და გოლებიც გაიტანა".
"ლონდონში გამართული მატჩის შემდეგაც ვიცოდით, რომ გაგვიჭირდებოდა. ჩემთვის "ჩელსი" ყველაზე რთული მეტოქეა", - ციტირებს ხორვატის სიტყვებს უეფას ოფიციალური საიტი.
ცნობისთვის, ნახევარფინალში "რეალის" მეტოქე "ატლეტიკო" - "მანჩესტერ სიტის" წყვილის გამარჯვებული იქნება.
