ავტორიზაცია

"ბარსას კარში დანიშნული პენალტი თავიდან უნდა შესრულებულიყო", - ყოფილი ესპანელი მსაჯის განმარტება

"ბარსას კარში დანიშნული პენალტი თავიდან უნდა შესრულებულიყო", - ყოფილი ესპანელი მსაჯის განმარტება
თარიღი 15 აპრ 2022, 11:49

ედუარდო იტურალდე გონსალესმა "ბარსელონასა" და "აინტრახტს" (3:2) შორის გამართულ მატჩში არტურ სოარეშ დიაშის მსაჯობა შეაფასა.

ყოფილმა ესპანელმა არბიტრმა ევროპა ლიგის საპასუხო 1/4 ფინალური მატჩის მე-4 წუთზე გერმანული კლუბის ნახევარმცველის, ფილიპ კოსტიჩის მიერ 11-მეტრიანის ნიშნულიდან გატანილ გოლზე გააკეთა კომენტარი.

"აინტრახტის" ფეხბურთელი საჯარიმოში ნაადრევად შევიდა, ამიტომაც პენალტი თავიდან უნდა შესრულებულიყო. ასეთ შემთხვევებში VAR-ი არ ერევა, რადგან მოთამაშეს თამაშში აქტიური მონაწილეობა არ მიუღია. ეპიზოდი აშკარაა, მაგრამ ზოგჯერ არბიტრებს ასეთი რაღაცები ავიწყდებათ".

"ამავდროულად, მსაჯები (11-მეტრიანის შესრულების დროს) ძალიან მომთხოვნები არიან მეკარეების მიმართ, როცა ისინი თუნდაც ერთი სმ-ით წაიწევენ წინ. მაშინაც ასეთი მომთხოვნნი უნდა იყვნენ, როცა მოედნის ფეხბურთელები დროზე ადრე შერბიან საჯარიმოში", - ციტირებს იტურალდეს სიტყვებს AS-ი.

მოგეხსენებათ, "ბარსელონა" ევროპა ლიგას გამოეთიშა და მიმდინარე სეზონში მხოლოდ შიდა ჩემპიონატში იბრძოლებს უმაღლესი პოზიციებისთვის.