ავტორიზაცია
ხამესს ევროპაში დაბრუნება უნდა და სასურველი კლუბიც შეარჩია – ესპანური მედია
ყატარული "ალ რაიანის" შემტევ ნახევარმცველს, ხამეს როდრიგესს მადრიდის "ატლეტიკოში" გადასვლა სურს.
როგორც ცნობილი ესპანური გამოცემა Mundo Deportivo წერს, კოლუმბიელ ფეხბურთელს ევროპაში დაბრუნება უნდა და შესაძლოა, 2022 წელს ლა ლიგის კლუბში გადაბარგდეს.
30 წლის სამხრეთამერიკელი "ალ რაიანის" ღირსებას 2021 წლის სექტემბრიდან იცავს და მისი კონტრაქტი 2024 წლის ზაფხულამდეა გათვლილი.
მოგეხსენებათ, ხამესს ესპანეთის ჩემპიონატში უკვე უთამაშია, სადაც "რეალის" ღირსებას იცავდა.
მიმდინარე სეზონში როდრიგესმა ყატარული გუნდის მაისურით ყველა ტურნირზე ერთად 14 მატჩი ჩაატარა, 5 გოლი გაიტანა და 7 შედეგიანი გადაცემა გააკეთა.
