ოფიციალურად: ერიკ ტენ ჰაგი მანჩესტერ იუნაიტედის ახალი მთავარი მწვრთნელია
„მანჩესტერ იუნაიტედმა" ახალი მთავარი მწვრთნელი დაადასტურა.
მანკუნიანელების ოფიციალური ვებ-გვერდის ინფორმაციით, გუნდს ახალი სეზონიდან „აიაქსის" დამრიგებელი ერიკ ტენ ჰაგი გაწვრთნის.
ნიდერლანდელმა გუნდთან კონტრაქტი 2025 წლამდე გააფორმა, კიდევ ერთი წლით გახანგრძლივების პერსპექტივით.
„აიაქსი" ტენ ჰაგმა 2017/18 წლების სეზონის შუაში ჩაიბარა, იქამდე კი „უტრეხტში", „ბაიერნის" მეორე გუნდში და „იგლზში" მუშაობდა მწვრთნელის თანამდებობაზე.
ამსტერდამულ გუნდში ყოფნისას ტენ ჰაგმა ორჯერ მოიგო ერედივიზია, ორჯერ - ქვეყნის თასი და ერთხელ - სუპერთასი.
ამ სეზონში 29 ტურის შემდეგ მისი „აიაქსი" პირველ ადგილზეა და ჩემპიონატის დასრულებამდე ხუთი ტურით ადრე უახლოეს მდევარ „პსვ-ს" 4 ქულით უსწრებს.