ავტორიზაცია
კურტუა პსჟ-ზე, ჩელსისა და სიტიზე: "რეალმა დიდი კლუბები დაამარცხა, რომელთაც ბევრი ფული აქვთ დახარჯული"
"რეალის" გოლკიპერმა, ტიბო კურტუამ მადრიდული გრანდის მიერ ჩემპიონთა ლიგის ფინალისკენ განვლილი გზა აღწერა.
"უდიდესი კლუბები დავამარცხეთ, რომლებმაც ჩემპიონთა ლიგის მოგებისთვის ბევრი ფული დახარჯეს", - ციტირებს ბელგიელის სიტყვებს Marca.
"და ჩვენს მიერ განვლილი გზა, "პსჟ"-ს, "ჩელსის", დღეს კი "მანჩესტერ სიტის" დამარცხებით, ბოლო წუთებზე მოპოვებული გამარჯვებების წყალობით კიდევ უფრო შთამბეჭდავი გახდა".
"ყველას უნდა ფინალში თამაში, იქამდე გაღწევა. თუ უკვე ოთხი ტიტული გაქვს, მეხუთეს დასაკუთრების შემთხვევაში, კიდევ უფრო ლეგენდარული გახდები".
"თუ "რეალი" ფინალში გადის, მხოლოდ იმისათვის, რათა მოიგოს", - დასძინა კურტუამ.
შეგახსენებთ, ევროპის მთავარი საკლუბო ტურნირის მიმდინარე გათამაშების გადამწყვეტ მატჩში "სამეფო კლუბი" "ლივერპულს" დაუპირისპირდება.
