ხავი: "როგორც კი რეალს რაიმეს აპატიებ, ისინი იჯერებენ რომ დაბრუნება შეუძლიათ, ბარსას სხვა ფილოსოფია აქვს"

„ბარსელონას“ მწვრთნელმა, ხავი ერნანდესმა „რეალთან“ მარტში მოპოვებული გამარჯვება (4:0) გაიხსენა.

„ჩვენ „რეალის“ მსგავსი სტილი არ გვაქვს, განსხვავებული მოდელია. ჩვენც ხშირად ვიმარჯვებთ. თუმცა, „რეალი“ ბრუნდება თამაშში მაშინვე, როგორც კი რაიმეს აპატიებ.

მაგალითი - ჩვენი შეხვედრაა „ბერნაბეუზე“. მათ რომ ერთი გოლი მაინც გაეტანათ, დაბრუნების იმედი მიეცემოდათ, ასეთი დნმ-ი აქვთ მათ, ჩვენ ცოტა განსხვავებული. ჩვენ მოგვიგია მატჩები, რომლებშიც ამას არ ვიმსახურებდით.

ამ გამარჯვებას ვიმსახურებდით, „რეალი“, როგორც ისტორია გვიყვება, ნებისმიერი სიტუაციიდან ბრუნდება, თუ ამის საშუალებას მისცემ. როცა 0:2-ზე ან 0:3-ზე მათ აპატიებ, ისინი შეიძლება დაბრუნდნენ.

ესპანეთის ჩემპიონთან და ლიგის ფინალისტთან გამარჯვებას ვაფასებთ. დავინახეთ, თუ რა შეგვიძლია გავხდეთ, მაგრამ საამისოდ სტაბილურობაა საჭირო.“ - აღნიშნა „ბარსას“ მწვრთნელმა.