"ბოლო ტურში ასეთი რამ არ უნდა მოხდეს", - რანგნიკმა ბრაიტონთან 0:4 განადგურების მიზეზები განმარტა
"მანჩესტერ იუნაიტედის" მთავარმა მწვრთნელმა, რალფ რანგნიკმა პრემიერ ლიგის 36-ე ტურში "ბრაიტონთან" (0:4) განადგურების მიზეზებზე ისაუბრა.
"დაცვაში მეტ-ნაკლებად საიმედოები ვიყავით, როცა მატჩის ბოლო 15-20 წუთი სამი უკანახაზელით ვთამაშობდით, მაგრამ ეს საკმარისი არ ყოფილა, თამაშის ყველა ასპექტის გათვალისწინებით".
"აქამდეც გვქონია პრობლემები - ნოემბერში "უოტფორდთან" (1:4) დავმარცხდით, რომელიც ახლა პრემიერ ლიგიდან გავარდა. პრობლემა იმაში მდგომარეობს, რომ მთელი გუნდით თავის დაცვა არ ვიცით, ამაში საკმარისად კარგები არ ვართ".
"საქმე ცალკეული ფეხბურთელების ისტატობაში არ მდგომარეობს. სხვა მატჩებში ეს დავამტკიცეთ, როცა სახლში "ტოტენჰემი" და "ვესტ ჰემი", სტუმრად კი "ლიდსი" დავამარცხეთ. პრობლემა ენერგიის ნაკლებობაა და მთელი გუნდით თავის დაცვის არცოდნა".
"დასკვნით მატჩში საპირისპირო უნდა დავამატკიცოთ, რადგან ევროპა ლიგაზე გასვლისთვის ერთი ან სამი ქულა დაგვჭირდება. დღეს, ზოგ მომენტში ისე გამოვიყურებოდით, თითქოს უკვე საზაფხულო შვებულებაში ვართ - "კრისტალ პალასთან" მატჩში ასეთი რამ არ უნდა მოხდეს", - ციტირებს გერმანელი სპეციალისტის სიტყვებს BBC.
