რიჩარლისონმა ევერტონის დატოვება გადაწყვიტა, მისით რამდენიმე გრანდი ინტერესდება

„ევერტონის“ ფორვარდმა რიჩარლისონმა გუნდის შეცვლა გადაწყვიტა.

Goal.com-ის ინფორმაციით, ბრაზილიელს ტოპ-გუნდში სურს თამაში, რომელიც ყოველწლიურად ტიტულებზე აცხადებს პრეტენზიას. მათ შორის - ევროტურნირებზეც. ბრაზილიელის აგენტი ამჟამად რამდენიმე ტოპ-კლუბთან აწარმოებს მოლაპარაკებებს.

იწერება, რომ თავად რიჩარლისონს ინგლისში დარჩენა აქვს პრიორიტეტად. თუმცა, კონკრეტული შემოთავაზებები ჯერ არცერთ გუნდს არ გაუკეთებია.

რიჩარლისონისადმი ინტერესს „მან იუნაიტედს“ და „პსჟ-ს“ აწერენ. ამ სეზონში ფეხბურთელმა პრემიერ ლიგის 29 მატჩში 9 გოლი გაიტანა, მისი გუნდი კი მე-16 ადგილს იკავებს.