ალვარო მორატა არავის არ სჭირდება

თავდამსხმელი ალვარო მორატა სეზონის ბოლოს „იუვენტუსს" დატოვებს.

ტურინულმა გუნდმა 29 წლის ფეხბურთელს შეატყობინა, რომ „ატლეტიკოდან" მის გამოსყიდვას არ აპირებს. ინფორმაციას ესპანური Marca იტყობინება.

„იუვემ" მორატა „ატლეტიკოდან" ორი წლის წინ ინათხოვრა და გარიგებაში ჩაწერილი იყო გამოსასყიდი თანხა - 35 მლნ ევრო.

ახლა, მორატას „ატლეტიკოში" მოუწევს დაბრუნება, რომლის მთავარი მწვრთნელის, დიეგო სიმეონეს გეგმებში ის ასევე არ შედის.

ამ სეზონში ალვარომ სერია ა-ს 35 მატჩში 9 გოლის გატანა შეძლო.

პოგბამ ახალ გუნდთან პირადი კონტრაქტის დეტალები შეათანხმა