ალექსანდრ-არნოლდი: "მუდმივი არაფერია. შეხედეთ, მანჩესტერ იუნაიტედს!"

"ლივერპულის" მარცხენა ფლანგის მცველმა ალექსანდრ-არნოლდმა "წითელი ეშმაკების" მძიმე პერიოდზე ისაუბრა.

"როდესაც პატარა ვიყავი და "მანჩესტერ იუნაიტედს" ვუყურებდი, ვფიქრობდი, ნეტა როგორი გრძნობაა, როდესაც პრემიერ ლიგას თითქმის ყოველ წელს იგებ და ჩემპიონთა ლიგის მოგების ფავორიტებს შორის ხარ. ახლა ასეთ მდგომარეობაში ჩვენ ვართ, მაგრამ უნდა ვიცოდეთ, რომ ეს სიტუაცია მუდმივი არ არის.

ამ მოსაზრების განსამტკიცებლად "იუნაიტედი" კარგი მაგალითია. ალბათ, ისინიც ვერ იფიქრებდნენ, რომ ასეთი რთული დროება დაუდგებოდათ. გუნდები იცვლებიან, ფეხბურთელები მიდიან და მოდიან. ამიტომ, აწმყოთი მაქსიმალური სიამოვნება უნდა მიიღო." - თქვა ტრენტმა Block Party-ის გადაცემაში.