"სიმართლე არასოდესაა სამწუხარო", - ლაპორტა მბაპეს რეალში ჩაშლილ ტრანსფერზე
"ბარსელონას" პრეზიდენტი, ჟოან ლაპორტა იმედგაცრუებული არ დარჩენილა იმის გამო, რომ კილიან მბაპემ "რეალში" გადასვლაზე უარი თქვა.
მოგეხსენებათ, "პარი სენ ჟერმენის" თავდამსხმელმა პარიზულ კლუბთან კონტრაქტის ვადა 2025 წლამდე გაახანგრძლივა.
"სიმართლე არასოდესაა სამწუხარო", - შემდეგი პასუხი გასცა "ლურჯ-ბროწეულისფერთა" ხელმძღვანელმა El Chiringuito-ს ჟურნალისტის მიერ დასმულ კითხვას.
ლაპორტამ კატალონიელი მომღერლის, ხუან მანუელ სერატის სიმღერიდან ("Sinceramente Tuyo") გააკეთა ციტირება.
ცნობისთვის, 2021/22 წლების სეზონში მბაპემ ყველა ტურნირზე ერთად "პსჟ"-ს მაისურით 46 მატჩი ჩაატარა, 39 გოლი გაიტანა და 26 შედეგიანი გადაცემა გააკეთა.