დე ბრუინი: "კარგია, რომ ახლა გვეყოლება ფორვარდი, რომელსაც 20-25 გოლის გატანა შეუძლია"

„მან სიტის“ ლიდერმა კევინ დე ბრუინმა გუნდში ერლინგ ჰოლანდის მისვლაზე ისაუბრა.

ნორვეგიელი ფორვარდი „სიტის“ „დორტმუნდიდან“ ოფიციალურად უკვე შეუერთდა და ახალი სეზონიდან ინგლისის ჩემპიონის შემადგენლობაში შეუტევს.

„ჰოლანდი ტოპ-ფორვარდია, მისი გადმოსვლა გუნდის ზრდას შეუწყობს ხელს, მოლოდინი დიდია.

კლუბი „ცხრიანს“ დიდი ხანი ეძებდა და ვფიქრობ, კარგია, რომ ახლა გვეყოლება თავდამსხმელი, რომელსაც სეზონში 20-25 გოლის გატანა შეეძლება.“ - აღნიშნა ბელგიელმა.

„სიტის" „დორტმუნდიდან" ნორვეგიელის გამოსყიდვა 60-75 მილიონი ევროს ფარგლებში დაუჯდა.