ავტორიზაცია
იუვენტუსში პოგბას წლიური ხელფასის ოდენობა და სათამაშო ნომერი ცნობილია
ცნობილი გახდა, თუ რა ნომრით იასპარეზებს ნახევარმცველი, პოლ პოგბა ტურინის "იუვენტუსის" რიგებში, იტყობინება ჟურნალისტი, ნიკოლო სკირა.
ასე და ამგვარად, "ბიანკონერი" ფრანგ სუპერვარსკვლავს 10-ნომრიან მაისურს უმზადებს.
გავრცელებული ინფორმაციით, "იუვეში" 29 წლის ფეხბურთელის წლიური ანაზღაურება 8 მილიონი ევრო იქნება (+2 მლნ ბონუსების სახით).
უახლოეს დღეებში პოგბას იტალიურ გრანდში ტრანსფერი ოფიციალურად დადასტურდება.
მოგეხსენებათ, პოლი ამ ზაფხულს "მანჩესტერ იუნატედს" თავისუფალი აგენტის სტატუსით დატოვებს. მანიკუნიანელებმა მისი წასვლა უკვე დაადასტურეს.
გასულ სეზონში გამოცდილმა ფრანგმა ყველა ტურნირზე ერთად "ეშმაკუნების" მაისურით 27 მატჩი ჩაატარა, 1 გოლი გაიტანა და 9 შედეგიანი პასი გააკეთა.
