ოფიციალურად: არსენალს ახალი ვიეირა ჰყავს - ტრანსფერი 40 მილიონი ევრო დაჯდა

ნახევარმცველი ფაბიო ვიეირა „არსენალის“ ფეხბურთელი გახდა.

ლონდონურმა კლუბმა „პორტუს“ ფეხბურთელის ტრანსფერი ოფიციალურად დაადასტურა, ნახევარმცველმა კონტრაქტი 2027 წლამდე გააფორმა.

22 წლის შუახაზელის ტრანსფერი „მეთოფეებს“ 40 მილიონი ევრო დაუჯდათ, საიდანაც 5 მილიონი ბონუსებით იქნება გათვალისწინებული, გამომდინარე ფეხბურთელის სპორტული მიღწევებიდან.

გასულ სეზონში ფაბიო ვიეირამ პორტუგალიის ჩემპიონატის 27 მატჩში 6 გოლი და 14 საგოლე გადაცემა მიითვალა და „პორტუს“ საუკეთესო ასისტენტი გახდა.