ჩალჰანოღლუ: „ინტერს მილანზე გაცილებით კარგი შემადგენლობა ჰყავს, დერბი კი ჩვენი მწვრთნელის გამო წავაგეთ“
ჰაკან ჩალჰანოღლუმ აღნიშნა, რომ შემადგენლობის დონით „ინტერი“ „მილანს“ გაცილებით აღემატება.
ფეხბურთელმა ერთი მილანური გუნდი მეორეზე 2021 წლის ზაფხულში გაცვალა.
„ინტერის შემადგენლობა მილანისაზე გაცილებით ძლიერია. დერბი იმის გამო წავაგეთ, რომ 75-ე წუთზე მე და ივან პერიშიჩი გაგვიყვანეს მოედნიდან.
1:0-ს ვიგებდით, თუმცა საბოლოოდ 1:2 წავაგეთ. ჩვენმა მწვრთნელმა შედეგზე პირდაპირი გავლენა იქონია, ეს მას პირდაპირ ვუთხარი.
ჩვენი ძალა იტალიის თასზე დავამტკიცეთ, როცა „მილანს“ 3:0 მოვუგეთ.“ - აღნიშნა თურქმა ნახევარმცველმა.
გასულ სეზონში სერია ა-ს 34 მატჩში ჰაკანმა 7 გოლი და 12 საგოლე გადაცემა მიითვალა.