მან სიტის დირექტორი: "ჩემპიონთა ლიგა? ჩვენი კარაქიანი პური პრემიერ ლიგაა"
„მან სიტის“ აღმასრულებელმა დირექტორმა, ფერან სორიანომ აღნიშნა, რომ კლუბი ჩემპიონთა ლიგის მოგების იდეით შეპყრობილი არ არის.
„ჩვენთვის ჩემპიონთა ლიგის მოგება პრიორიტეტული არ არის. ამ ტურნირზე ერთ-ერთი უდიდესი როლი იღბალს უკავია. შეიძლება რამდენიმე მატჩი ცუდად ჩაატარო, მაგრამ ფინალში მაინც გახვიდე.
ჩვენ იმას ვეყრდნობით, რომ პრემიერ ლიგა - ჩვენი კარაქიანი პურია. ეს არის ის, რითაც ფულს ვშოულობთ. ჩემპიონთა ლიგა კი - დამატებითი ტიტულია, რომლის მოგებაც გვინდა, მაგრამ ვიცით, რომ ეს მცირე გამართლებაზეა დამოკიდებული, ამიტომაც მისი მოგების იდეით შეპყრობილები არ ვართ.“ - აღნიშნა სორიანომ.
2020/21-სეზონში „სიტი“ „ჩელსისთან“ ფინალში დამარცხდა, დასრულებულ სეზონში კი - ნახევარფინალში „რეალთან“.