რომამ მიზეზის ახსნის გარეშე ბარსელონასთან ამხანაგურ მატჩზე უარი თქვა, კატალონიელები ჩივილს აპირებენ
„ბარსელონამ“ ოფიციალურად დაადასტურა, რომ „რომამ“ ამხანაგურ ტურნირზე, გამპერის თასზე მონაწილეობაზე უარი თქვა.
განცხადებაში ნათქვამია, რომ რომაელებმა ცალმხრივად და მიზეზის ახსნის გარეშე უარი თქვეს აქამდე ოფიციალურად შეთანხმებულ მატჩზე, რომელიც 6 აგვისტოზე იყო დაგეგმილი.
„ბლაუგრანამ“ ახალი მეტოქის ძიების პროცესი დაიწყო, მისმა იურიდიულმა განყოფილებამ კი უკვე დაიწყო იტალიური კლუბისთვის ზიანის ანაზღაურებაზე მუშაობის პროცედურა.
ჯერჯერობით უცნობია, თუ ვის დაუპირისპირდება „ბარსელონა" ყოველწლიურ ამხანაგურ შეხვედრაში.