ლაუტაროს აგენტი: "მარტინესი ინტერში ბედნიერია, ის ლუკაკუსთან მეგობრობს“

„ინტერის“ თავდამსხმელის, ლაუტარო მარტინესის აგენტმა, ალეხანდრო კამანიომ ფეხბურთელის მომავალზე ისაუბრა.

აგენტის თქმით, არგენტინელს გუნდიდან წასვლის არანაირი მიზეზი არ აქვს, რადგან ის კლუბში თავს ბედნიერად გრძნობს.

„ლაუტარო და ლუკაკუ ახლოს არიან - ეს სიმართლეა. მარტინესი მილანში ბედნიერია, ის ხალხს უყვარს და გუნდის ლიდერად მიაჩნიათ. 

რატომ უნდა წავიდეს? სად უნდა წავიდეს? ის ისედაც მწვერვალზე იმყოფება.“ - აღნიშნა კამანიომ Sky Sports-თან საუბარში.

მარტინესმა და ლუკაკუმ „ინტერი“ 2020/21-სეზონში 11-წლიანი პაუზის შემდეგ იტალიის ჩემპიონობა მოუტანეს, შემდეგ კი ბელგიელი „ჩელსიში“ 115 მილიონ ევროდ გადავიდა.