VIDEO: ბარსელონამ ლას-ვეგასში გამართულ ტესტ-მატჩში რეალი რაფინიას ბრწყინვალე გოლით დაამარცხა

თარიღი: 24 Jul 2022, 09:29

"ბარსელონამ" და "რეალმა", რომლებიც წინასასეზონო მზადებას აშშ-ში გადიან, ლას-ვეგასში ამხანაგური მატჩი გამართეს.

აღნიშნული დაპირისპირება კატალონიურმა გრანდმა მინიმალური ანგარიშით მოიგო - 1:0.

შეხვედრაში ერთადერთი გოლი 27-ე წუთზე "ლურჯ-ბროწეულისფერთა" ბრაზილიელმა ახალწვეულმა, რაფინია დიასმა გაიტანა.

"ბლაუგრანას" შემტევის გოლი საკმაოდ ლამაზი გამოდგა - კურტუას კარი ულამაზესი გასროლით აიღო.

მომდევნო ტესტ-მატჩს "ბარსელონა" 27 ივლისს "იუვენტუსის" წინააღმდეგ გამართავს, ხოლო "რეალი" იმავე დღეს მექსიკურ "ამერიკას" დაუპირისპირდება.

ყველა სიახლე