ავტორიზაცია

"პარი სენ ჟერმენი მსოფლიოს ერთ-ერთი საუკეთესო კლუბია", - პარიზელთა ახალწვეული

"პარი სენ ჟერმენი მსოფლიოს ერთ-ერთი საუკეთესო კლუბია", - პარიზელთა ახალწვეული
თარიღი 27 ივლ 2022, 13:26

პარიზელთა ახალწვეულმა, ნორდი მუკიელემ "პარი სენ ჟერმენს" მსოფლიოს ერთ-ერთი საუკეთესო კლუბი უწოდა.

მოგეხსენებათ, 24 წლის ფრანგი მარჯვენა მცველი საფრანგეთის მოქმედ ჩემპიონს "ლაიფციგიდან" შეუერთდა.

"მშობლიური ქალაქის გუნდში თამაში ოცნებაა", - ციტირებს ახალგაზრდა უკანახაზელის სიტყვებს პარიზული კლუბის ოფიციალური საიტი.

"პარიზის რეგიონში გავიზარდე, კონკრეტულად მონტრეში, ამიტომაც "პსჟ"-ში თამაში ჩემთვის, ჩემი მეგობრებისთვის და ჩემი ოჯახისთვის უდიდესი პატივია. ბედნიერი ვარ, აქ ყოფნისთვის თავდაუზოგავად ვმუშაობდი".

"ვცდილობ ჩემი საქმე გავაკეთო, ვცდილობ ყოველდღე ვიმუშაო, რათა ფეხბურთში უმაღლეს დონეს მივაღწიო".

"ცხადია, ჩემი "პსჟ"-ში ყოფნა, მსოფლიოს ერთ-ერთ საუკეთესო კლუბში, ამტკიცებს იმას, რომ ბოლო რამდენიმე წელიწადში ჩემს მიერ გაწეული სამუშაო დამიფასდა".

"ნამდვილად ბედნიერი ვარ და ახლა მუშაობა უნდა განვაგრძო ისე, როგორც აქამდე ვაკეთებდი, გავაგრძელო გაუმჯობესება უახლოეს წლებში", - დასძინა მუკიელემ.