ჟულ კუნდეს პირველი კომენტარი ბარსელონაში ოფიციალურად გადასვლის შემდეგ
„ბარსელონას“ ახალწვეულმა ჟულ კუნდემ თავისი ტრანსფერი პირველი კომენტარით შეაფასა.
„ჩემ ტრანსფერში გადამწყვეტი როლი ხავიმ შეასრულა. მას რამდენჯერმე ველაპარაკე და მოხიბლული ვარ მასთან საუბრით. ვფიქრობ, ფეხბურთს ჩვენ ერთნაირად ვხედავთ.
მინდა გავაკეთო ყველაფერი, რომ მაქსიმალურად ბევრი სათამაშო დრო მივიღო. მსურს, გუნდს კარგად შევეწყო და გადამწყვეტი როლი შევასრულო.
ყველაფრის მოგება მინდა. რა თქმა უნდა, ჩემი კონკრეტული მიზნები გამაჩნია, მაგრამ რაიმეში საკუთარი თავის შეზღუდვა არ მინდა. უნდა განვვითარდე რაც შეიძლება სწრაფად და ბევრი ახალი რამ შევიტყო, რადგან უდიდეს კლუბში გადმოვდივარ დიადი ფეხბურთელებით, რომლებმაც უამრავი ტიტული მოიგეს.
თანაგუნდელებს ყურს დავუგდებ და გავაკეთებ ყველაფერს, რაც ჩემს ძალაშია.“ - აღნიშნა ფრანგმა ფეხბურთელმა.
„ბარსელონას“ ტრანსფერი 50+5 მილიონი ევრო დაუჯდა, კუნდე 5-წლიან კონტრაქტს გააფორმებს.
