ავტორიზაცია

სალაჰი: "ლივერპულთან ერთად ყველაფერი მოვიგე, მაგრამ მეორედ, მესამედ და მეოთხედაც მინდა"

სალაჰი: "ლივერპულთან ერთად ყველაფერი მოვიგე, მაგრამ მეორედ, მესამედ და მეოთხედაც მინდა"
თარიღი: 29 ივლ 2022, 21:50

„ლივერპულის“ ვინგერმა მო სალაჰმა „მან სიტისთან“ მოახლოვებულ სუპერთასის დაპირისპირებაზე ისაუბრა.

„ლივერპულთან თითქმის ყველა ტიტული მოვიგე. თუმცა ეს შემჩნეულიც კი არ მქონდა, სანამ ტრენტი ინგლისის თასის ფინალის შემდეგ არ მოვიდა და მითხრა: „სხვათაშორის, ჩვენ აქ საკმაოდ ბევრი რამ მოვიგეთ.“

ასე რომ მგონია, რომ „ლივერპულთან“ უკვე ყველა შესაძლო ტიტული მოვიგე - გუნდურიც და ინდივიდუალურიც. თუმცა, ყოველთვის არის კიდევ რაღაცის მოგების შანსი და მე მუდმივად მინდა გამარჯვება ვიზეიმო მეორედ, მესამედ ან მეოთხედ. ასეთია ჩემი მენტალიტეტი.“ - აღნიშნა ეგვიპტელმა.

ინგლისის სუპერთასის დაპირისპირება „მან სიტი" - „ლივერპული" ხვალ, 30 ივლისს გაიმართება.