ავტორიზაცია

VIDEO: დებიუტანტების გოლები და უხვგოლიანი მატჩი! ლივერპულმა ინგლისის სუპერთასი 2006 წლის შემდეგ პირველად მოიგო

თარიღი: 30 ივლ 2022, 22:02

ინგლისური სეზონი ოფიციალურად „ლივერპულისა“ და „სიტის“ სუპერთასის მატჩით გაიხსნა.

„ქინგ ფაუერ სტედიუმზე“ ერთმანეთს დაუძინებელი მეტოქეები „ლივერპული“ და „მან სიტის“ დაუპირისპირდნენ და გამარჯვება კლოპის გუნდს დარჩა - 3:1.

ანგარიში ტრენტ ალექსანდრ არნოლდმა 21-ე წუთზე გახსნა, 70-ზე დებიუტანტმა ხულიან ალვარესმა ანგარიშის გათანაბრება შეძლო, თუმცა 83-ზე მო სალაჰმა პენალტი ზუსტად შეასრულა და თავისი გუნდი კვლავ წინ გაიყვანა.

მატჩში წერტილი კი 94-ე წუთზე „ლივერპულის“ ახალწვეულმა დარვინ ნუნიესმა დასვა და მერსისაიდულმა გუნდმა 2006 წლის შემდეგ ინგლისის სუპერთასი პირველად მოიგო.