VIDEO: 8-გოლიანი თრილერი და ნამდვილი სანახაობა! გერმანული საფეხბურთო სეზონი საოცრად გაიხსნა
გერმანული საფეხბურთო სეზონი ნამდვილი საფეხბურთო თრილერით გაიხსნა.
სუპერთასის შეხვედრაში ერთმანეთს „ლაიპციგი“ და მიუნხენის „ბაიერნი“ დაუპირისპირდნენ, შეხვედრა საოცრად უხვგოლიანი გამოვიდა და გერმანიის ჩემპიონის გამარჯვებით 5:3 დასრულდა.
პირველი ტაიმი „ბაიერნმა“ მუსიალას, მანეს და პავარის გოლებით 3:0 დამაჯერებლად მოიგო და თითქოს, ნაგელსმანის გუნდისთვის პრობლემებსაც არაფერი მოასწავლებდა.
მეორე ტაიმში ჰალსტენბერგმა ერთი ბურთი გაქვითა, თუმცა მალევე გნაბრიმ 3-ბურთიანი უპირატესობა ტაბლოზე აღადგინა და ბევრს ეგონა, რომ ამჯერად მაინც ნამდვილად დახურა ყველანაირი კითხვები.
თუმცა, 77-ე წუთზე კრისტოფერ ნკუნკუმ პენალტი ზუსტად შეასრულა, 89-ზე კი დანი ოლმომ კიდევ ერთი გოლი გაიტანა და ინტრიგა გააცოცხლა.
მიუხედავად ამისა, ბოლო სიტყვა მატჩში მაინც „ბაიერნმა“ თქვა - 90+8 წუთზე ლეროი სანემ მეხუთე გოლი გაიტანა და საბოლოო წერტილიც დასვა.
ამრიგად, „ბაიერნმა“ ისტორიაში მეათედ მოახერხა გერმანიის თასის მოგება.
