ხავი: "რა არის ბარსელონას მიზანი ამ სეზონში?"

თარიღი: 07 აგვ 2022, 00:32

„ბარსელონას“ მთავარმა მწვრთნელმა, ხავი ერნანდესმა ისაუბრა, თუ რა გეგმებს ისახავს მისი გუნდი ამ ახალ სეზონში.

„ჩვენ ძალიან კარგი გუნდი გვყავს, ვარჯიშები საუცხოო შეგრძნებებს გვიტოვებს. ყველა შესანიშნავად მუშაობს: ინტენსიურად, კარგ ტემპში. პრესეზონმაც დიდებულად ჩაიარა.

ხალხს ენთუზიაზმით აღვავსებთ და ეს გუშინ ლევანდოვსკის პრეზენტაციაზეც ჩანდა.

ამ სეზონში ჩვენი მიზანი ტიტულების მოგება და კარგი ფეხბურთის ჩვენებაა. გვსურს გავახაროთ გულშემატკივრები, რომლებიც ამას იმსახურებენ.“ - აღნიშნა ესპანელმა სპეციალისტმა.

ამ ზაფხულს „ბარსამ“ უკვე დაიმატა ანდრეას კრისტენსენი, ფრანკ კესიე, რობეტ ლევანდოვსკი და ჟულ კუნდე. ამავდროულად, გუნდი დატოვეს რიკი პუჩმა (ლოს ანჯელეს გალაქსი) და ოსკარ მინგესამ (სელტა).