ავტორიზაცია
ოფიციალურად: არსენალის ნახევარმცველი კარიერას თურქეთში გააგრძელებს
ლუკას ტორეირამ „არსენალი“ დატოვა და სათამაშოდ თურქეთს მიაშურა.
ლონდონურმა კლუბმა ურუგვაელი ლუკას ტორეირას „გალათასარაიში“ გადასვლა ოფიციალურად დაადასტურა.
ტორეირა „არსენალში“ 2018 წელს „სამპდორიადან“ გადავიდა და გუნდთან ერთად 2019/20-სეზონში ინგლისის თასის მოგება შეძლო.
წინა სეზონი ფეხბურთელმა „ფიორენტინაში“ იჯარით ითამაშა, თუმცა „არსენალში“ დაბრუნებულმა აღმოაჩინა, რომ მიკელ არტეტას გეგმებში აღარ შედის და გუნდის დატოვება უწევს.
გავრცელებული ცნობებით, თურქულმა კლუბმა ურუგველი 6-7 მილიონ ევროდ შეიძინა.
„გალათასარაისთვის“ ეს ბოლო დღეების მანძილზე მეორე ვარსკვლავური ტრანსფერია - აქამდე, გუნდმა ოფიციალურად დაადასტურა „ნაპოლის“ ექს-შემტევის, დრის მერტენსის შეძენა.
