ცოტა სხვა დასაწყისს ველოდით - ბარსელონამ კამპ ნოუზე რაიოს ვერ მოუგო
ლა ლიგის პირველ ტურში „ბარსელონამ“ საკუთარ კედლებში „რაიო ვალეკანოს“ წინააღმდეგობა ვერ გატეხა.
კატალონიური გუნდისთვის ეს სეზონის პირველი ოფიციალური მატჩი იყო და ის ფრედ, 0:0 დასრულდა.
სტატისტიკურად ხავის გუნდმა მეტოქეს ყველა მნიშვნელოვან კომპონენტში აჯობა - კარისკენ 21-ჯერ გაისროლა (ზუსტად 6-ჯერ), „რაიომ“ კი მხოლოდ 4-ჯერ (ზუსტი 2 აღმოჩნდა).
მიუხედავად ამისა, „ბარსამ“ გადამწყვეტი უპირატესობის მოპოვება ვერ მოახერხა და ფჯერს დასჯერდა.
აღსანიშნავია, რომ თამაშს „ბლაუგრანა“ 10 კაცით ასრულებდა, რადგან მოედნიდან სერხიო ბუსკეტსი ორი ყვითელი ბარათის მიღების გამო გააძევეს.