VIDEO: პარიზული სპექტაკლი! პსჟ-მ ლილი 7:1 გაანადგურა, მბაპემ ჰეთ-ტრიკი გაიფორმა, ნეიმარმა დუბლი, მესიმაც შეაგდო

ფრანგული ლიგა 1-ს მესამე ტურში „პსჟ-მ“ სტუმრად „ლილი“ გაანადგურა.

შეხვედრა, რომელიც 1:7 დამთავრდა, ძალიან საინტერესოდ დაიწყო - ლეო მესის პასით კილიან მბაპემ ისარგებლა და გოლის გატანა მე-8 წამზე მოახერხა, რაც ლიგა 1-ს ისტორიაში ყველაზე სწრაფი გოლი აღმოჩნდა.

უხვგოლიან მატჩში გოლების გატანა მბაპემ (3), ლეო მესიმ, ნეიმარმა (2) და აშრაფ ჰაკიმიმ მოახერხეს, „ლილიდან“ კი ერთი გოლის გატანა 0:5-ზე ჯონატან ბამბამ მოახერხა.

3 ტურის შემდეგ „პსჟ“ 9 ქულით ცხრილს ერთპიროვნულად ლიდერობს და 17 გატანილ გოლთან ერთად გაშვებული მხოლოდ 3 აქვს, მეორეზე „მარსელია“ 7 ქულით.