არველაძის ჰალ სიტიმ კოლუმბიელის ჰეთ-თრიკით გაიმარჯვა

ინგლისის ჩემპიონშიფის მე-7 ტურში, შოთა არველაძის "ჰალ სიტიმ“ საკუთარ მოედანზე "კოვენტრი“ მიიღო და 3:2 დაამარცხა.

მატჩის გმირი კოლუმბიელი თავდამსხმელი ოსკარ ესტუპინანი გახდა, რომელმაც ჰეთ-თრიკი შეასრულა. აღსანიშნავია, რომ ქართველის გუნდმა ჩემპიონატზე სამივე საშინაო მატჩში მოიპოვა გამარჯვება.

"ჰალ სიტი" 11 ქულით მესამე ადგილზეა და შემდეგი ტურის მატჩს 30 აგვისტოს გასვლაზე "ქუინზ პარკ რეინჯერსის" წინააღმდეგ ჩაატარებს.