შეთანხმება მიღწეულია - სიტი დორტმუნდის ერთ-ერთ წამყვან მცველს იმატებს

შვეიცარიელი მცველი მანუელ აკანჯი დორტმუნდის „ბორუსიადან“ კარიერას „მანჩესტერ სიტიში“ გააგრძელებს.

Sky Sport Deutschland-ის ინფორმაციით, ფეხბურთელი ინგლისში სამედიცინო შემოწმების გასავლელად უკვე ჩავიდა. თუ ყველაფერი წარმატებით ჩაივლის, შვეიცარიელი ფეხბურთელის ტრანსფერს წინ ვეღარაფერი აღუდგება.

„დორტმუნდი“ 27 წლის ფეხბურთელის სანაცვლოდ 18 მილიონ ევროს მიიღებს, კიდევ 2 მილიონი კი ბონუსების სახით იქნება გათვალისწინებული.

აკანჯის „დორტმუნდთან“ კონტრაქტი 2023 წლის ზაფხულამდე აკავშირებდა, ამიტომ მომავალ ზაფხულს „ფუტკრებს“ ის შეიძლებოდა უფასოდ დაეკარგათ.

ბუნდესლიგის გასულ სეზონში აკანჯიმ 26 მატჩში მიიღო მონაწილეობა და 1 გოლი გაიტანა.