დავით ხოჭოლავას გუნდი ჩემპიონთა ლიგის პირველ მატჩში სტუმრად დორტმუნდთან განადგურდა

ჩემპიონთა ლიგის ჯგუფური ეტაპის პირველ მატჩში დავით ხოჭოლავას „კოპენჰაგენი“ სტუმრად დორტმუნდის „ბორუსიასთან“ განადგურა.

შეხვედრა „სიგნალ იდუნა პარკზე“ გაიმართა და მასპინძელთა გამარჯვებით 3:0 დასრულდა.

23-ე წუთზე ტრავმა მიიღო და თამაშის გაგრძელება ვერ მოახერხა ტორგან აზარმა, რის გამოც მოედანზე ჯოვანი რეინას მოუწია.

35-ე წუთზე ანგარიში მარკო როისმა გახსნა, 42-ზე კი რაფაელ გერეირომ ტაიმის საბოლოო ანგარიში დააფიქსირა და დანიურ გუნდს საქმე მაქსიმალურად გაურთულა.

შესვენების შემდეგ „დორტმუნდის“ დომინაცია მესამე გოლად გადაიქცა, 83-ე წუთზე ჯუდ ბელინგემმა წერტილი დასვა. 

ამრიგად, „დორტმუნდმა“ G ჯგუფი გამარჯვებით დაიწყო და მინიმუმ „სიტი“ – „სევილაის“ მატჩამდე ცხრილში პირველ ადგილს იკავებს.