ესეკიელ ლავეცი კვარაცხელიაზე: "მას აქვს ინდივიდუალიზმი და უშიშარია"
ჩემპიონთა ლიგის ჯგუფური ეტაპის პირველ ტურში "ნაპოლიმ“ საკუთარ მოედანზე "ლივერპული“ 4:1 დაამარცხა.
ხვიჩა კვარაცხელიას სადებიუტო მატჩი ყველაზე პრესტიჟულ საკლუბო ტურნირზე წარმატებული გამოდგა. გარდა იმისა, რომ 44-ე წუთზე ტრენტ ალექსანდ არნოლდს გაკვეთილი ჩაუტარა და ჯოვანი სიმეონეს გაატანინა, კიდევ ორ გოლში უშუალო მონაწილეობა მიიღო. ერთ ეპიზოდში კი მისი დარტყმული ვან დაიკმა ცარიელი კარიდან გამოიტანა.
მატჩის შემდეგ "ნაპოლის" ყოფილმა ფეხბურთელმა ესეკიელ ლავეციმ კომენტარი გააკეთა და ქართველის თამაშიც შეაფასა.
"კვარაცხელიამ შესანიშნავი ხარისხის მატჩი ჩაატარა, როგორც ყველა სხვა მოთამაშემ, მას აქვს ინდივიდუალიზმი და უშიშარია. ამ ბიჭს აქვს ხარისხი და ტექნიკა " , - თქვა ლავეციმ.
ნეაპოლური გუნდი მორიგ მატჩს 10 სექტემბერს სერია A-ს ეგიდით "სპეციას" წინაარმდეგ ჩაატარებს.
