უკანასკნელად როდის ვერ გაიტანა ბაიერნმა გოლი ბუნდესლიგის მატჩში?
მიუნხენის „ბაიერნმა“ ბუნდესლიგაში მრავალმატჩიანი წარმატებული სერია შეწყვიტა.
მიუნხენური გუნდი სტუმრად „აუგსბურგთან“ 0:1 დამარცხდა და სეზონში პირველი მარცხი იწვნია.
შესაბამისად, „რეკორდმაისტერმა“ გერმანიის ჩემპიონატის მატჩი უგოლოდ 2020 წლის თებერვლის შემდეგ პირველად დაასრულა.
2020 წლის 9 თებერვალს მიუნხენური გრანდი შინ „ლაიპციგს“ დაუპირისპირდა და მატჩი 0:0 დასრულდა.
„ბაიერნისთვის“ საბედნიეროდ, ის სეზონი გუნდმა საუცხოოდ ჩაატარა და ყველა შესაძლო ტიტული მოიგო.