რეალი მბაპეს მოღალატედ მიიჩნევს და თვლის, რომ ფრანგმა ბლანკოსთან მოლაპარაკების პროცესით ისარგებლა
მადრიდის "რეალი" მომავალში პსჟ-ს თავდამსხმელის კილიან მბაპეს კანდიდატურას დაბრუნებას არ აპირებს .
სამეფო კლუბის ხელმძღვანელობა ფრანგ თავდამსხმელს მოღალატედ მიიჩნევს, იუწყება El Debate.
წყაროს ცნობით, მადრიდის რეალს ესმის, რომ მბაპემ ისარგებლა მადრიდელებთან მოლაპარაკების პროცესით, რათა პსჟ-ში რეკორდული ხელფასი მიეღო. სამეფო კლუბმა შემტევი ხაზის ახალი კანდიდატის შერჩევა უკვე დაიწყო.
აღსანიშნავია, რომ მადრიდის რეალი აღშფოთებულია იმით, თუ როგორ აცნობა მბაპემ კლუბის პრეზიდენტ ფლორენტინ პერესს პსჟ-ში დარჩენის შესახებ. გარდა ამისა, მადრიდის რეალში მიაჩნიათ, რომ კლუბის გულშემატკივრები მბაპეზე არიან გაბრაზებულები და არ მიიღებენ ფეხბურთელს იმ ყველაფრის შემდეგ, რაც მოხდა.