ნემანია მატიჩი მაგუაიერის კრიტიკაზე: "რასაც ხალხი აკეთებს, კატასტროფაა"
მანჩესტერ "იუნაიტედის" ყოფილმა ნახევარმცველმა ნემანია მატიჩმა , რომელიც ახლა იტალიურ "რომაში" თამაშობს, წითელი ეშმაკების კაპიტნის ჰარი მაგუაიერის კრიტიკაზე საუბრობს .
"რასაც ხალხი აკეთებს, კატასტროფაა. ყველაფერს უნდა ჰქონდეს საზღვარი. ამ ადამიანების ზოგიერთს, ვინც სოციალურ მედიაში აქვეყნებს, არ აქვს საკუთარი ცხოვრება. მათ უბრალოდ უნდა დაწერონ ცუდი რაღაცეები ვინმეზე“, - განაცხადა სერბმა ნახევარმცველმა.
მაგუაიერმა ინგლისის პრემიერ ლიგაში მიმდინარე სეზონში სამი მატჩი ჩაატარა. მანჩესტერ "იუნაიტედმა" 6 მატჩში 12 ქულა მოაგროვა და პრემიერ ლიგის 2022/2023 წლების სეზონში მეხუთეა.