ოფიციალურად: ასტონ ვილამ სტივენ ჯერარდი გაათავისუფლა

ბირმინგემულმა კლუბმა გამოაქვეყნა განცხადება, რომელშიც ინგლისელ მწვრთნელს გაწეული სამუშაოსთვის მადლობას უხდის და მომავალში წარმატებებს უსურვებს.

2021 წლის ნოემბერში „ვილას" ჯერარდის „რეინჯერსიდან" გამოსყიდვა 4 მილიონი ფუნტი დაუჯდა და პირველ სეზონში გუნდმა მასთან ერთად პრემიერ ლიგაში მე-14 ადგილი დაიკავა.

მიმდინარე სეზონში კი საქმე გაცილებით რთულად აღმოჩნდა, გუნდმა 11 ტურში 9 ქულა მოიპოვა და მე-17 ადგილს იკავებს.