იუვენტუსმა ჩემპიონთა ლიგის ჯგუფურ ეტაპზე კლუბის ისტორიაში ყველაზე ცუდი შედეგი დააფიქსირა

მასიმილიანო ალეგრის გუნდმა ექვსიდან ხუთი მატჩი დათმო და მხოლოდ ერთხელ იმარჯვა, როცა საკუთარ კედლებში „მაკაბის" 3:1 მოუგო.

ჯგუფური ეტაპის ექვს ტურში სამი მოპოვებული ქულა - „იუვეს" ისტორიაში ყველაზე სუსტი შედეგია, ამაზე ნაკლები გუნდს არასდროს არ დაუგროვებია.

„იუვემ" და „მაკაბიმ" ჯგუფი 3-3 ქულით დააასრულეს, თუმცა ტურინელებს ბურთების სხვაობა -4 ჰქონდათ, „მაკაბის" კი -14, რამაც იტალიურ გუნდს ევროპა ლიგაზე გადასვლის საშუალება მისცა.