ბაიერნის არასახარბიელო შედეგი პსჟ-სთან - მათზე ხშირად მიუნხენური გრანდი მხოლოდ რეალთან მარცხდება

ჩემპიონთა ლიგაზე „ბაიერნი“ „პსჟ-ზე“ ხშირად მხოლოდ მადრიდის „რეალთან“ მარცხდება.

პარიზელებმა ევროპის ყველაზე პრესტიჟულ ტურნირზე ბავარიულ გრანდს 6 მატჩი მოუგეს და ამაზე უკეთესი შედეგი მხოლოდ ჩემპიონთა ლიგის მოქმედ გამარჯვებულს აქვს (12).

მთლიანობაში, „პსჟ“ და „ბაიერნი“ ლიგაზე ერთმანეთს 12-ჯერ შეხვდნენ, საიდანაც 6 გამარჯვება პარიზელებს დარჩათ, 5 კი - მიუნხენელებს. გოლების მხრივ სრული თანაფარდობაა: 15-15-ზე.

სამართლიანობა მოითხოვს აღინიშნოს, რომ გუნდებს შორის გამართული ყველაზე მნიშვნელოვანი და პრინციპული დაპირისპირება, 2019/20-სეზონის ფინალი, „ბაიერნის“ გამარჯვებით დასრულდა.