თბილისის დინამო საქართველოს ჩემპიონია!

ბოლო ტურში თბილისური გუნდი "გაგრას" დაუპირისპირდა. ჭიაბრიშვილის გუნდმა ანგარიში 28-ე წუთზე დავით სხირტლაძის ლამაზი დარტყმის შემდეგ გახსნა. 65-ე წუთზე უკვე ულად ომარ იმრანის ბრწყინვალე დარტყმას ვორობეიმ ვერაფერი მოუხერხა. 73-ე წუთზე თამაზ მაქაცარიამ ერთი ბურთი გაქვითა, თუმცა "გაგრა" მეტს ვერაფერს გახდა.

ჭიაბრიშვილის გუნდი განსაკუთრებულად ვერც ბათუმის "დინამომ" ანერვიულა. პარალელულად აჭარული გუნდი 35-ე წუთზე ფანცულაიას გოლით დაწინაურდა. 43-ე წუთზე ირაკლი ბუღრიძემ წონასწორობა აღადგინა, 66-ე წუთზე კი არაბიძემ თერთმეტმეტრიანი გაიტანა, ბათუმელებმა 90+2 წუთზე ვაწაძის გოლის შემდეგ მხოლოდ ქულის გადარჩენა მოახერხეს.

ამრიგად, წინა სეზონის გამარჯვებული ამჯერად მხოლოდ ვერცხლის მედალს და კონფერენს ლიგის საგზურს დასჯერდა.

შეგახსნებთ, რომ 36-ე ტურის წინ თბილისის "დინამო" კონკურენტს ერთი ქულით უსწრებდა და გეგუჩაძის გუნდს გარდა საკუთარი თამაშის მოგებისა, ჭიაბრიშვილის გუნდის ვერმოგება სჭირდებოდა.