ფერნანდუ სანტუშს პორტუგალიის ნაკრებიდან უახლოეს დღეებში გაუშვებენ - ფაბრიციო რომანო

როგორც ჟურნალისტი ფაბრიციო რომანო იტყობინება, ფერნანდუ სანტუშის დღეები პორტუგალიის ნაკრებში დათვლილია.

თავად მწვრთნელმა, მაროკოსთან მარცხის შემდეგ განაცხადა, რომ ახლო პერიოდში ფედერაციის პრეზიდენტს საკუთარ მომავალზე დაელაპარაკება:

„თუ ვინმე დარჩა ამ წაგებით ყველაზე განაწყენებული - მე და რონალდუ ვართ. უახლოეს დღეებში ლისაბონში ჩავფრინდები და პრეზიდენტს საკუთარ მომავალზე დაველაპარაკები, როგორც ყოველთვის.“

ფაბრიციო რომანოს ცნობით, სანტუშს მუნდიალზე ასეთ ფიასკოს არ აპატიებენ და თანამდებობიდან გაათავისუფლებენ.