როგორია საფრანგეთი - არგენტინის ურთიერთშეხვედრების სტატისტიკა, მუნდიალებზე და ზოგადად?
![როგორია საფრანგეთი - არგენტინის ურთიერთშეხვედრების სტატისტიკა, მუნდიალებზე და ზოგადად?](http://storage.goal.ge/uploads/posts/sYrmFy60H5OfnwmAjiw4K3WVpQ2MA4cm.jpg)
მსოფლიო ჩემპიონატის ფინალში ერთმანეთს საფრანგეთის და არგენტინის ნაკრებები დაუპირისპირდებიან.
მუნდიალების ისტორიაში ეს ორი გუნდი ერთმანეთს მეოთხედ შეხვდება.
აქამდე, ამ ტურნირზე საფრანგეთისა და არგენტინის გზები სამჯერ გადაიყარა - 1930 (1:0) და 1978 (2:1) წლებში გამარჯვება სამხრეთამერიკულ გუნდს დარჩა.
2018 წელს კი საფრანგეთმა ჩამორჩენა შეამცირა და მერვედფინალურ შეხვედრაში 4:3 იმარჯვა.
მთლიანობაში ეს ორი გუნდი ისტორიაში ერთმანეთს 13-ჯერ შეხვდა, აქედან 7 მატჩი არგენტინამ მოიგო, 3 საფრანგეთმა, კიდევ სამი მატჩი კი ფრედ დასრულდა.