ისტორია დაიწერა, დახურეთ ფეხბურთი - არგენტინა მსოფლიო ჩემპიონია!

არგენტინა საფრანგეთს დაუპირისპირდა და გამარჯვება დრამატულ სტილში, პენალტების სერიაში მოიპოვა.

ძირითადი და დამატებითი დრო ფრედ 3:3 დამთავრდა. არგენტინა ჯერ 2:0-ს იგებდა მესის და დი მარიას გოლებით, შემდეგ 3:2-ს კვლავ მესის გოლით, თუმცა კილიან მბაპემ ყოველჯერზე მოახერხა ანგარიშის გათანაბრება და საქმე პენალტებამდე მიიყვანა.

საბოლოოდ, თერთმეტმეტრიანების სერიაში არგენტინელებმა ოთხივე პენალტი ზუსტად შეასრულეს, ფრანგების რიგებში კი დარტყმა კინგსლი კომანმა და ორელიან ჩუამენიმ გააცუდეს.

ამრიგად, არგენტინამ გამარჯვება მოიპოვა და ისტორიაში მესამედ მოიგო მსოფლიო ჩემპიონატი.