გაუმჯობესება შეუძლებელია - ლეო მესიმ მსოფლიო ჩემპიონატებზე ყველა დროის რეკორდი დაამყარა

დღეს საღამოს ლეო მესის არგენტინამ მსოფლიო ჩემპიონატის ფინალში საფრანგეთს აჯობა და ნანატრი ტიტული მოიპოვა.

ამ ტურნირზე არგენტინელმა გენიოსმა ერთი ისეთი რეკორდი დაამყარა, რომლის გამეორებაც შესაძლებელი იქნება, მაგრამ გაუმჯობესება - ვერა.

საქმე ისაა, რომ მესი გახდა მსოფლიო ჩემპიონატების ისტორიაში პირველი ფეხბურთელი, რომელმაც ტურნირის ყველა სტადიაზე მოახერხა გოლის გატანა - ჯგუფშიც, მერვედფინალშიც, მეოთხედფინალშიც, ნახევარფინალშიც და ფინალშიც.

საბოლოოდ, არგენტინელმა ტურნირი 7 გატანილი გოლით დაასრულა და ტურნირის მეორე საუკეთესო ბომბარდირი გახდა.