თბილისის დინამო სამმა ფეხბურთელმა დატოვა

გიორგი გაბედავა თბილისური კლუბის შემადგენლობაში 2020 წლიდან ირიცხებოდა და ამ პერიოდის განმავლობაში 71 მატჩში მიიღო მონაწილეობა. მის ანგარიშზე 23 გოლი და 3 საგოლე გადაცემაა.

გოდფრი სტეფენ ბიტოკი, "დინამო" თბილისს 2022 წლის სეზონის დასაწყისში იჯარის წესით შემოუერთდა. ნიგერიელმა მცველმა ლურჯ-თეთრების რიგებში 14 შეხვედრა გამართა და ორი საგოლე გადაცემა შეასრულა.

ბელარუსი მეკარე ანტონ ჩიჩკანი "დინამოს" 2022 წლის სეზონის დასკვნით ნაწილში შეუერთდა, მას "დინამოს" ძირითადი გუნდის შემადგენლობაში ოფიციალური მატჩი არ გაუმართავს.